உதவாக்கரையே உதவி கேட்பான்-விவேகானந்தர்

பிறருக்கு தொண்டு செய்வதில் எவருடைய உடல் அழிவடைகிறதோ அவர்கள் பாக்கியசாலிகள்.
இந்த ஒரு பிறவியையாவது தொண்டுக்காக நீங்கள் பயன்படுத்தக்கூடாதா? வேதாந்தம் மற்றும் தத்துவங்களை அடுத்த பிறவியில் கற்றுக்கொள்ளுங்கள்.

பிறருக்கு தொண்டு செய்ய விரும்புபவன் ஓருபோதும் பிறரிடம் உதவி வேண்டி நிற்க மாட்டான்.
எந்த உரிமைக்காகவும் அவன் கோரிக்கை வைக்க மாட்டான். உதவாக்கரைகளே பிறரிடம்
உதவிகளை எதிர்பார்த்து காத்திருப்பார்கள்.

கடவுளைப் பற்றி பலவிதமான கருத்துக்களைப் பொருட்படுத்த வேண்டாம். சித்தாந்தங்களை
விவாதித்துக் கொண்டிருப்பதால் என்ன நன்மை ஏற்படப் போகிறது. நன்மையைச் செய்து
நல்லவராக வாழ்வதே கடவுளை அடையப் போதுமானது.

நீங்கள் செய்த தவறுகளை நீங்களே சிந்தித்துப் பாருங்கள். அப்போது தான் பாதிக்கப்பட்டவர்களுடைய துன்பத்தை உணரமுடியும். பின்பு எக்காலத்திலும் மனம் அறிந்து பிறருக்கு தவறிழைக்க மாட்டீர்கள்.
தவறு செய்தால் அதை மறைக்க முயல்வது கோழைத்தனம். அதை ஏற்றுக்கொள்வது வீரனின் பண்பு. தவறு செய்யும் போது அதை ஒத்துக்கொள்வதே அறிவுடைய செயல்.மூடக்கொள்கைகளை விடாப்பிடியாகப் பற்றிக் கொள்ள வேண்டாம். புதிய உண்மைகளை ஏற்க ஆயத்தமாய் இருங்கள்.